Zaburi 103:1-22 NVI [1] Mhimidi Bwana, nafsi yangu, na vyote vilivyomo ndani yangu vihimidi jina lake takatifu! [2] Mhimidi Bwana, nafsi yangu, wala usisahau fadhili zake zote! [3] Yeye ndiye anayesamehe maovu yako yote na kuponya magonjwa yako yote; [4] anayeukomboa uzima wako kutoka kaburini na kukuvika taji ya upendo wa uaminifu na rehema; [5] anayeridhisha hamu yako kwa vitu vyema, ili ujana wako ufanywe upya kama tai. [6] Bwana hutenda haki na kutetea haki ya wote wanaoonewa.